انا اسمى كرستين او دميانه او جاكلين
وانا اسمي بطرس او مينا علي اسم شهيدنا ماري مينا
اسماء حلوه برنه جميله اسمائنا مخصوصه لينا
أسماء قديسات و قديسين رحلوا من مئات السنين
...اختاروهالنا اهالينا للبركه والصون لينا
عايشين وسط اهالينا حاسين بحبهم لينا
لكن اجناد الشر نصبوا الفخاخ لينا
بكل الطرق والمكر يرصدوا فينا
ذئاب في صور حملان كما قال فادينا
هايجين في كل مكان يخطفوا فينا
وياخدوا فلوس كتير ليجيبوا رجلينا
ودول ناس في الاصل غربا او اصدقاء لينا
ويسلمونا في الخفاء لمنظمات فيها دهاء
مهللين مكبرين مهنئين من الآخرين
والشرطه فيها وياهم عارفاهم وكمان حمياهم
شرطتنا فيها غباء لأ..! تعصب و جفاء
وتستر عل الجريمه وهذا قمة البلاء
معتقدين مقدمين خدمه لرب العالمين
وتفوق اهالينا علي كارثه جديده لينا
احنا فيها الضحايا و هما فيها الثكالا
وتبقي حاله حاله من الف حاله
وتبقي حديث الواد والبت وجميع منتديات النت
وان رحنا للشرطه شكينا نرجع تاني زي ماجينا
منتظرين الاسم الجاي هو ل ماري ولا ل مينا؟
رافعين عنينا لفوق بصلاه لفادينا
رجع ولادنا يارب لحضنك ولينا
واحفظ بلادنا يارب من شر اعادينا
احفظ بناتنا يارب وارعي اهالينا
احفظ ولادنا يارب واهديهم حوالينا
بارك اعدائنا يارب وسامح المسئ لينا
هكذا علمتنا الحب مش كره اعادينا
0-0-0-0-0-0-0-0-0-0