نكته جامده ....:
حسني مبارك لما مات الملايكة بتحاسبه فبتقوله عندك اختيارين تدخل النار المصري ولا النار الأمريكاني؟
قالهم وإيه الفرق!!
قالوا له : النار المصرى تفطر فول وطعمية وتتجلد شوية, وتتغدى بصارة وتتجلد شوية , وتتعشى سندوتشات فول, و تدخل الشواية لحد تانى يوم الصبح .
قال لهم طيب والنار الأمريكانى؟
قالوا له : تفطر كيزر و جبنة وتتجلد شوية لحد الضهر , و تتغدى ماكدونالذ و تتجلد شوية لحد بالليل , وتتعشى كنتاكى و تدخل الشواية لحد تانى يوم الصبح ..
قال لهم: لأ كده أخش الأمريكانى ..
وهم ساحبينه لقى عاطف عبيد جاى طالع من الشواية .. .. ..
قال له: إيه يا ريس مصرى ولا أمريكانى؟
فمبارك قال له: لأ أمريكانى ..
عاطف عبيد قال له :
جاتك خيبة ياريس عشت خايب و مت خايب..
النار المصرى ..الشواية عطلانة والجلاد بيمضى و يروح.