كقبطي سانتخب الاخوان
(١)
وليه
لأ ؟ .. وليه مش أه ؟ .. ادعو اخوتى الاقباط ان يتخلوا عن نظرتهم الطائفية
الضيقة .. ان يخرجوا من كنائسهم وينتخبوا الاخوان المسلمين ومرشحهم
الاستاذ مرسي .. ارجوكوا قبل ان ترجمونى بكلماتكم انصتوا لى من أجل مصر..
انا سانتخب هؤلاء وليس غيرهم .. هو فيه زيهم ؟؟ .. تعالوا يا نصارى مصر
لكلمة سواء .. المرشح الاخوانى خير من المرشح الليبرالى لو تعلمون .. ولكم
فى رفيق حبيب خير مثال .. الرجل تخلى عن كرامته وارتضى ان يكون ذميا درجة
تالته فى سبيل ان يكون عضوا بارزا فى حزب الاخوان .. اكيد له نظرة برضه
الراجل مفكر وبيصبغ شعره ..ورغم انهم قالوا انهم جايبنه عشان امريكا .. الا
اننى تشجعت وقلت ادوس على نفسى وافكر فى الانضمام لحزب الاخوان خاصة ان
المرشد اعلن انه فى انتظار واحد ارثوذكسى وصلحه ليكون قياديا فى الحزب ..
وانا ارثوذكسى وابويا ارثوذكسى ..
ممكن
تقولى يا قبطى لماذا لا تنتخب الاخوانى ؟؟ خاصة ان منهم الفلوطة ومنهم
الماليزى ومنهم العريان .. بجد انا سأنتخب اى واحد يرفع شعار الدين هو الحل
.. سانتخب كل من يشهر فى وجوهنا ان لنا مالهم وعلينا ما عليهم .. لنا فى
الحكم الدينى من حولنا نماذج تشرف .. حماس فى غزة .. الصومال .. طالبان ..
الوهابيين فى السعودية .. ومصر فى الطريق .. هل توافقنى الرأى وترشح الاخوة
الملائكة من اجل مصر.. واللى تعوزه مصر يحرم على الجنينة .. الاخوان وكما
يقول المرشد العام يملكون ماء السماء الرقراق ..وسأنتخبهم فلو فازوا ربما
عبوا المية دى فى ازايز للى عايز .. الاخوان يقولون انهم اطهر من الندى ..
سانتخبهم من اجل الندى ..عشان اشوفه طاهر ولا لأ ..
كنت
طول عمرى حيران ليه الثورة قامت ؟؟ ولكن المرشد الدكتور بديع لم يتركنى فى
حيرتى فقد قال مؤخرا ان الثورة قامت كانتقام الهى لحبس الأخوان فى قضايا
غسيل الاموال والتخابر مع الجهات الخارجية .. بل ان ظلم الاخوان كان سبب
نكسة 67 وهزيمة 56 وربما هزيمة المنتخب فى تصفيات كأس العالم ..يبقى الافضل
ان انتخبهم حتى لا تحل بى النكبات والنكسات .. فكرونى بواحدة ست شعبية
شوية كانت دايما تقول اللى يجى عليا عمره ما يكسب .. وبخصوص الستات فسوف
انتخب الاخوان عشان ارتاح من الستات ومشاكلهن .. فالست عندهم مكانها البيت
..تغسل وتطبخ وتخلف .. طبعا هيكون تواجد الستات رمزيا فى المجتمع عشان
يقولوا احنا اهه بنحب النسوان .. كام واحدة فى مجلس الشعب زي ام ايمن كدة
والباقي فى البيت او فى الدولاب ..
كما
اننى ضعيف من ناحية أمى .. وشعارى عينى على الام وحنان الام واللى من غير
ام حاله يغم وقد داس المرشد على الحتة دى ..فقال ان الجماعة تتعامل مع
التيارات السياسية فى مصر من منطلق الام .. يا حنين .. ومن فينا مش بيحب
امه .. رغم اننى لا افهم يعنى ايه الجماعة ام التيارات السياسة فى مصر
وامتى حبلت بهم ؟ ومن مين ؟ وامتى ولدتهم ؟ .. وبتقول انها امهم لكن
بتعاملهم معاملة مرات الاب .. وهو فيه ام تذل ولادها ؟ .. لما كل شوية يطلع
واحد من جماعة الاخوان ويقول مشاركة لا مغالبة واحنا نقدر ناخد كراسى
الشعب والشورى فى مصر والسودان كمان بس احنا مش عاوزين .. يتمنعن وهن
الراغبات .. وانا يعجبنى التواضع ومن الامثال الحبيبة الى قلبى المثل اللى
اتعلمته من الدادة فى المدرسة لما نيجى نشترى منها اللب والعسلية وما
يعجبناش كانت الله يرحمها تقول : عينه فيه ويقول اخييه .. والاخوان يطبقون
المثل عمليا .. وانا باحبهم عشان كدة .. طبعا مش عاوزين البرلمان كله ..
امال السلفيين يروحوا فين ... مشاركة لا مغالبة ومع ذلك خدوا كل اللجان
ولما عملوا لجنة للدستور خدوا منها خمسة وسبعين في المية
لماذا
لا انتخب جماعة الاخوان وهى تظهر غير ما تبطن .. يعنى هتخلينى عايش فى
ساسبنس يعنى شك دائم ..وحالة تشوق .. بدل السينما اللى هتتقفل والتلفزيون
اللى هينتقب .. نتابع بقى مسلسل الاخوان .. الكلام اللى بيقوله المرشد
النهاردة .. بيقول عكسه العريان بكرة .. واللى بيتقال على الحياة اليوم ..
غير اللى بيتقال فى اخبار اليوم ..وعاملين انهم زعلانين من بعض و الحقيقة
انهم بيدلعوا بعض .. هيخلوا حياتنا اسئلة بدون اجوبة ..يا ترى هما عاوزين
ايه ؟؟ مثلا كانوا بيقولوا احنا فى سكة والسلفيين فى سكة .. مش بنحب بعض ..
ولكن مؤخرا ويا سبحان الله تتم مؤتمرات الاخوان تحت شعار الاخوان
والسلفيين ايد واحدة من اجل مصر.. وعلى المنصة تلاقى واحد سلفى وسط كام
واحد اخوانى .. وقالوا السلفيين هيدوا ابو الفتوح وطلعوا انهم ادوا مرسي
بيلعبوا مع بعض علي كبير واحنا بنتفرج بس
قلت
فى عقل بالى نتقى شر الناس دى وننتخبهم وستى كانت بتقول يصلى الفرض وينقب
الارض ..وكانت ما تخافش الا من السنية .. يعنى اللى بيربوا الدقون ويلبسوا
الساعة فى اليمين .. اللهم اجعلنا من اهل اليمين .. ومش من اهل اليسار اللي
بقى يسار بدقن وبيقول مرسي مرشح الثورة .. أبوة بجد يسار علي ما تفرج
انا
سانتخب الاخوان لان شعارهم الانتخابى الجديد فى منتهى الجمال ( نحمل الخير
لكل الناس) وانا فى انتظار الخير ده من رز وسكر وزيت وسمن وربما بعض من
اللحم وما تيسر من الرشاوى الانتخابية كما فعلوا فى الاستفتاء .. ( نحمل
الخير لكل الناس ) شعار يناسب المرحلة فالكل الان من اخوان وغيرهم ينادون
بالشعار القديم اللى هو الاسلام هو الحل ولكن جماعة الاخوان دلوقت بتحمل
الخير لكل الناس .. يعنى هانتخب عمال دليفرى مش اعضاء فى البرطمان واللى
بيحملوا الخير لكل الناس مفروض يحطوا دستور مصر الجديد !! .. نحمل الخير
شعار غريب يصلح لسوبر ماركت وليس لحزب او جماعة ترغب فى النهضة بمصر..
ويعنى ايه نحمل الخير.. فين بقية الشعب ..يعنى احنا نقعد فى بيوتنا ولا
نعمل ويدخل عليك الاخ العضو الاخوانى وهو شايل الخير !!..والجديد شعار معا
للاصلاح ..وطبعا معا دى عائدة عليهم وعلى السلفيين وعلى الجماعات الاسلامية
واما الاصلاح فدا موضوع كبير فالاصلاح فى نظرهم هو محو مصر المدنية
واستبدالها بنموذج طالبانى محترم حتى ولوقالوا غير ذلك .. فقد قال الكتاتنى
وهو كبيرهم ان الكلام عن تطبيق الحدود دلوقت من كراسى المعارضة غير لما
نحكم .. يعنى استنوا لما نتمكن وهتشوفوا الاصلاح على اصوله ..
انا
سانتخب الاخوان عشان قلبهم على الداخلية .. فقد طالبوا ان تقلل الداخلية
من اشرافها على الانتخابات .. لاول وهلة قلت ياااه عشان الضباط يرتاحوا
وبعد برهة من التفكير ادركت ان الهدف هو تسليم مهمة حماية الانتخابات للجان
الشعبية وهى لجان سلفية مش اكتر .. ناس بجلاليب وعليها جاكت اسود فى اخضر
فسفورى ..مهمتهم تسهيل الادلاء بصوتك.. دا لو كان صوتك اخوانيا او سلفيا ..
ومنع من سواهم من الوصول الى الصندوق .. قال عاوزين الداخلية تبعد عن
الانتخابات ..طيب ما نعمل الانتخابات فى المساجد افضل ؟؟..
سانتخب
الاخوان عشان جربتهم فى نقابة الاطباء ..تحولت النقابة الى جمعية خيرية
تجمع الفلوس للاخوة فى غزة وافغانستان .. واختفى منها العنصر النصرانى
والنسائى وتحولت الى مكتب ملاكى للدكتور عصام العريان ولوحة اعلانات كبير
للعمرة والحج والندوات الدينية واغاثة الملهوف ليس من بنى بلدى ولكن من
البلدان الاخرى ..ومؤخرا نجح الاخوان فى قمع رغبة الاطباء فى تصعيد
الاعتصام فى موجهة المظالم الواقعة على الاعضاء .. فيه اكتر من كدة نجاح
؟؟
سانتخب
الاخوان عشان اكسب ثقة عصام العريان واقوله يكلم الناس باسلوب احسن من كدة
.. الراجل طايح فى الفضائيات .. عالى ومنطق مغلوط وتهديدات سافرة ..ومحدش
عارف يقوله عيب عليك انت كدة بقيت كمال الشاذلى بتاع الاخوان .. سانتخب
الاخوان لكى اقابل صبحى صالح عشان اسأله عن معنى كلمة فلوطة وهل هى كلمة
عيب وقبيحة وما المقصود بها وهل لها اساس فى الدستور ولا ممكن نعمل مادة
الفلوطة اللى تحرم المناصب والوظائف على اى حد مش اخوانى وعامل نفسه فلوطة
.. سانتخب الاخوان عشان المرشد قال ان سيد قطب قاله اوصيك خيرا بالاقباط يا
بديع .. على اساس اننا ميراث او ناقصين اهلية او ناقصين مواطنة .. سانتخب
الاخوان عشان ما ندخلش الجيش فقد قال المرشد الاسبق مصطفى مشهور انهم
سيفرضون الجزية على الاقباط ومش هيدخلوا الجيش عشان طبعا مشكوك فى ولاءنا
.. رغم على حد علمى مفيش جاسوس قبطى الى الان .. سانتخب الاخوان عشان باحب
التاريخ .. لاننا هنرجع لايام الجزية وقوانين اهل الذمة ولحارة النصارى
وللتضيق فى الطريق وفى الحياة وفى العبادة واضطهاد الكنيسة وابائها ..
سانتخبهم حتى يحلوا مشكلة الكنائس بعدم السماح اساسا فى التفكير ببنائها
..سانتخبهم حتى اتطهر واتقرب من الله لاننى سأدعوه ليلا نهارا ان يخلصنا
منهم ..
(١)
وليه
لأ ؟ .. وليه مش أه ؟ .. ادعو اخوتى الاقباط ان يتخلوا عن نظرتهم الطائفية
الضيقة .. ان يخرجوا من كنائسهم وينتخبوا الاخوان المسلمين ومرشحهم
الاستاذ مرسي .. ارجوكوا قبل ان ترجمونى بكلماتكم انصتوا لى من أجل مصر..
انا سانتخب هؤلاء وليس غيرهم .. هو فيه زيهم ؟؟ .. تعالوا يا نصارى مصر
لكلمة سواء .. المرشح الاخوانى خير من المرشح الليبرالى لو تعلمون .. ولكم
فى رفيق حبيب خير مثال .. الرجل تخلى عن كرامته وارتضى ان يكون ذميا درجة
تالته فى سبيل ان يكون عضوا بارزا فى حزب الاخوان .. اكيد له نظرة برضه
الراجل مفكر وبيصبغ شعره ..ورغم انهم قالوا انهم جايبنه عشان امريكا .. الا
اننى تشجعت وقلت ادوس على نفسى وافكر فى الانضمام لحزب الاخوان خاصة ان
المرشد اعلن انه فى انتظار واحد ارثوذكسى وصلحه ليكون قياديا فى الحزب ..
وانا ارثوذكسى وابويا ارثوذكسى ..
ممكن
تقولى يا قبطى لماذا لا تنتخب الاخوانى ؟؟ خاصة ان منهم الفلوطة ومنهم
الماليزى ومنهم العريان .. بجد انا سأنتخب اى واحد يرفع شعار الدين هو الحل
.. سانتخب كل من يشهر فى وجوهنا ان لنا مالهم وعلينا ما عليهم .. لنا فى
الحكم الدينى من حولنا نماذج تشرف .. حماس فى غزة .. الصومال .. طالبان ..
الوهابيين فى السعودية .. ومصر فى الطريق .. هل توافقنى الرأى وترشح الاخوة
الملائكة من اجل مصر.. واللى تعوزه مصر يحرم على الجنينة .. الاخوان وكما
يقول المرشد العام يملكون ماء السماء الرقراق ..وسأنتخبهم فلو فازوا ربما
عبوا المية دى فى ازايز للى عايز .. الاخوان يقولون انهم اطهر من الندى ..
سانتخبهم من اجل الندى ..عشان اشوفه طاهر ولا لأ ..
كنت
طول عمرى حيران ليه الثورة قامت ؟؟ ولكن المرشد الدكتور بديع لم يتركنى فى
حيرتى فقد قال مؤخرا ان الثورة قامت كانتقام الهى لحبس الأخوان فى قضايا
غسيل الاموال والتخابر مع الجهات الخارجية .. بل ان ظلم الاخوان كان سبب
نكسة 67 وهزيمة 56 وربما هزيمة المنتخب فى تصفيات كأس العالم ..يبقى الافضل
ان انتخبهم حتى لا تحل بى النكبات والنكسات .. فكرونى بواحدة ست شعبية
شوية كانت دايما تقول اللى يجى عليا عمره ما يكسب .. وبخصوص الستات فسوف
انتخب الاخوان عشان ارتاح من الستات ومشاكلهن .. فالست عندهم مكانها البيت
..تغسل وتطبخ وتخلف .. طبعا هيكون تواجد الستات رمزيا فى المجتمع عشان
يقولوا احنا اهه بنحب النسوان .. كام واحدة فى مجلس الشعب زي ام ايمن كدة
والباقي فى البيت او فى الدولاب ..
كما
اننى ضعيف من ناحية أمى .. وشعارى عينى على الام وحنان الام واللى من غير
ام حاله يغم وقد داس المرشد على الحتة دى ..فقال ان الجماعة تتعامل مع
التيارات السياسية فى مصر من منطلق الام .. يا حنين .. ومن فينا مش بيحب
امه .. رغم اننى لا افهم يعنى ايه الجماعة ام التيارات السياسة فى مصر
وامتى حبلت بهم ؟ ومن مين ؟ وامتى ولدتهم ؟ .. وبتقول انها امهم لكن
بتعاملهم معاملة مرات الاب .. وهو فيه ام تذل ولادها ؟ .. لما كل شوية يطلع
واحد من جماعة الاخوان ويقول مشاركة لا مغالبة واحنا نقدر ناخد كراسى
الشعب والشورى فى مصر والسودان كمان بس احنا مش عاوزين .. يتمنعن وهن
الراغبات .. وانا يعجبنى التواضع ومن الامثال الحبيبة الى قلبى المثل اللى
اتعلمته من الدادة فى المدرسة لما نيجى نشترى منها اللب والعسلية وما
يعجبناش كانت الله يرحمها تقول : عينه فيه ويقول اخييه .. والاخوان يطبقون
المثل عمليا .. وانا باحبهم عشان كدة .. طبعا مش عاوزين البرلمان كله ..
امال السلفيين يروحوا فين ... مشاركة لا مغالبة ومع ذلك خدوا كل اللجان
ولما عملوا لجنة للدستور خدوا منها خمسة وسبعين في المية
لماذا
لا انتخب جماعة الاخوان وهى تظهر غير ما تبطن .. يعنى هتخلينى عايش فى
ساسبنس يعنى شك دائم ..وحالة تشوق .. بدل السينما اللى هتتقفل والتلفزيون
اللى هينتقب .. نتابع بقى مسلسل الاخوان .. الكلام اللى بيقوله المرشد
النهاردة .. بيقول عكسه العريان بكرة .. واللى بيتقال على الحياة اليوم ..
غير اللى بيتقال فى اخبار اليوم ..وعاملين انهم زعلانين من بعض و الحقيقة
انهم بيدلعوا بعض .. هيخلوا حياتنا اسئلة بدون اجوبة ..يا ترى هما عاوزين
ايه ؟؟ مثلا كانوا بيقولوا احنا فى سكة والسلفيين فى سكة .. مش بنحب بعض ..
ولكن مؤخرا ويا سبحان الله تتم مؤتمرات الاخوان تحت شعار الاخوان
والسلفيين ايد واحدة من اجل مصر.. وعلى المنصة تلاقى واحد سلفى وسط كام
واحد اخوانى .. وقالوا السلفيين هيدوا ابو الفتوح وطلعوا انهم ادوا مرسي
بيلعبوا مع بعض علي كبير واحنا بنتفرج بس
قلت
فى عقل بالى نتقى شر الناس دى وننتخبهم وستى كانت بتقول يصلى الفرض وينقب
الارض ..وكانت ما تخافش الا من السنية .. يعنى اللى بيربوا الدقون ويلبسوا
الساعة فى اليمين .. اللهم اجعلنا من اهل اليمين .. ومش من اهل اليسار اللي
بقى يسار بدقن وبيقول مرسي مرشح الثورة .. أبوة بجد يسار علي ما تفرج
انا
سانتخب الاخوان لان شعارهم الانتخابى الجديد فى منتهى الجمال ( نحمل الخير
لكل الناس) وانا فى انتظار الخير ده من رز وسكر وزيت وسمن وربما بعض من
اللحم وما تيسر من الرشاوى الانتخابية كما فعلوا فى الاستفتاء .. ( نحمل
الخير لكل الناس ) شعار يناسب المرحلة فالكل الان من اخوان وغيرهم ينادون
بالشعار القديم اللى هو الاسلام هو الحل ولكن جماعة الاخوان دلوقت بتحمل
الخير لكل الناس .. يعنى هانتخب عمال دليفرى مش اعضاء فى البرطمان واللى
بيحملوا الخير لكل الناس مفروض يحطوا دستور مصر الجديد !! .. نحمل الخير
شعار غريب يصلح لسوبر ماركت وليس لحزب او جماعة ترغب فى النهضة بمصر..
ويعنى ايه نحمل الخير.. فين بقية الشعب ..يعنى احنا نقعد فى بيوتنا ولا
نعمل ويدخل عليك الاخ العضو الاخوانى وهو شايل الخير !!..والجديد شعار معا
للاصلاح ..وطبعا معا دى عائدة عليهم وعلى السلفيين وعلى الجماعات الاسلامية
واما الاصلاح فدا موضوع كبير فالاصلاح فى نظرهم هو محو مصر المدنية
واستبدالها بنموذج طالبانى محترم حتى ولوقالوا غير ذلك .. فقد قال الكتاتنى
وهو كبيرهم ان الكلام عن تطبيق الحدود دلوقت من كراسى المعارضة غير لما
نحكم .. يعنى استنوا لما نتمكن وهتشوفوا الاصلاح على اصوله ..
انا
سانتخب الاخوان عشان قلبهم على الداخلية .. فقد طالبوا ان تقلل الداخلية
من اشرافها على الانتخابات .. لاول وهلة قلت ياااه عشان الضباط يرتاحوا
وبعد برهة من التفكير ادركت ان الهدف هو تسليم مهمة حماية الانتخابات للجان
الشعبية وهى لجان سلفية مش اكتر .. ناس بجلاليب وعليها جاكت اسود فى اخضر
فسفورى ..مهمتهم تسهيل الادلاء بصوتك.. دا لو كان صوتك اخوانيا او سلفيا ..
ومنع من سواهم من الوصول الى الصندوق .. قال عاوزين الداخلية تبعد عن
الانتخابات ..طيب ما نعمل الانتخابات فى المساجد افضل ؟؟..
سانتخب
الاخوان عشان جربتهم فى نقابة الاطباء ..تحولت النقابة الى جمعية خيرية
تجمع الفلوس للاخوة فى غزة وافغانستان .. واختفى منها العنصر النصرانى
والنسائى وتحولت الى مكتب ملاكى للدكتور عصام العريان ولوحة اعلانات كبير
للعمرة والحج والندوات الدينية واغاثة الملهوف ليس من بنى بلدى ولكن من
البلدان الاخرى ..ومؤخرا نجح الاخوان فى قمع رغبة الاطباء فى تصعيد
الاعتصام فى موجهة المظالم الواقعة على الاعضاء .. فيه اكتر من كدة نجاح
؟؟
سانتخب
الاخوان عشان اكسب ثقة عصام العريان واقوله يكلم الناس باسلوب احسن من كدة
.. الراجل طايح فى الفضائيات .. عالى ومنطق مغلوط وتهديدات سافرة ..ومحدش
عارف يقوله عيب عليك انت كدة بقيت كمال الشاذلى بتاع الاخوان .. سانتخب
الاخوان لكى اقابل صبحى صالح عشان اسأله عن معنى كلمة فلوطة وهل هى كلمة
عيب وقبيحة وما المقصود بها وهل لها اساس فى الدستور ولا ممكن نعمل مادة
الفلوطة اللى تحرم المناصب والوظائف على اى حد مش اخوانى وعامل نفسه فلوطة
.. سانتخب الاخوان عشان المرشد قال ان سيد قطب قاله اوصيك خيرا بالاقباط يا
بديع .. على اساس اننا ميراث او ناقصين اهلية او ناقصين مواطنة .. سانتخب
الاخوان عشان ما ندخلش الجيش فقد قال المرشد الاسبق مصطفى مشهور انهم
سيفرضون الجزية على الاقباط ومش هيدخلوا الجيش عشان طبعا مشكوك فى ولاءنا
.. رغم على حد علمى مفيش جاسوس قبطى الى الان .. سانتخب الاخوان عشان باحب
التاريخ .. لاننا هنرجع لايام الجزية وقوانين اهل الذمة ولحارة النصارى
وللتضيق فى الطريق وفى الحياة وفى العبادة واضطهاد الكنيسة وابائها ..
سانتخبهم حتى يحلوا مشكلة الكنائس بعدم السماح اساسا فى التفكير ببنائها
..سانتخبهم حتى اتطهر واتقرب من الله لاننى سأدعوه ليلا نهارا ان يخلصنا
منهم ..