شايل الصليب

والصليب شايله

حنين وطيب
...
متعدش فضايله

دا حتى أكليل الشوك

على رأسه بيحايله

لكن عند الحق

لو مين ..

ما يعرفش يجامله

++++++++++++++++++++++++++

رقيق زى النسيم

وراسخ كما النيل

ولا عمره يميل

مع الهوى .. أن مال

ولا يخاف السنين

وللسنين أهوال

ولما تهب الريح

يمسك في توب المسيح

ويشتد عوده وينفرد

ومرقس من جديد بيتولد

والضلمة تهرب بعيد

بعيد

ويرجع تانى زى النسيم

رقيق صحيح

بس راسخ كما النيل

يمكن جريح

لكن مسنود على الانجيل

واللي سانده المسيح

هيخاف من عتمة الليل ؟؟

++++++++++++++++++++++++++

عمال يا أبويا في الوطن تحايل

وتقول معلش

يمكن ينعدل المايل

والناس تبطل غش

قلبك ابيض

وقلوبهم بألف وش

الحق بيك فرحان و خايل

والزيف بيكش ..

++++++++++++++++++++++++++

ياما دقت على الرأس طبول

ولساك يا ابوى شيال حمول

وأيام بالعرض عدت

وليال بالطول

والمشاكل عمرها ماهزت

اللى دايما يقول

ربنا موجود

والسفينة مسيرها للوصول

بنحبك وأنت ساكت

وبنحبك لما تقول

لما تكلم السما

وتستجيب على طول

كلام البشر يا أبويا فانى

وكلام الرب لايزول


ياسر يوسفSee More
By: عضمة زرقــــا | تاريخ الاقباط