معجزة البابا شنودة مع ماجى انيس
أنا ماجى انيس
النهارده السبت 7-4-2012 خرجت من الظاهر لمحطه رمسيس مشى ومعايا شنطه ظهرى
والاب توب وشنطه ايدى بكل الاوراق المهمه ومتعلقاتى الخاصه علشان مسافره
اقضى اجازة العيد فى سوهاج
المهم انا مستعملتش شنطه ايدى غير مره واحده وقفت قدام محل سوبر ماركت اخدت حاجات للسفر ومن بعدها شنطه ايدى منزلتش من على كتفى
...
دخلت القطر وانا بحط شنطه الظهر عالرف واكتشفت ان شنطه ايدى مش موجوده
وكانت نفسيتى من اسوء ما يكون وكنت هتجنن لانى واثقه ومتاكده انها معايا
وحظى الحلو ان كان فى جيبى الموبايل وتذكره السفر واتحرك القطر وانا بنادى بكل ضيق فى سرى البابا شنوده
وكلمت امى وبلغتها وحاولت تخفف عليا وقفلت معايا وهى كمان بتصلى للبابا شنوده بدون ما تقولى
ولان مش معايا اى وسيله اتصال غير الموبايل فاتصلت بشغلى قولتلهم محدش
يتصل بيا لحد ما اوصل سوهاج علشان تلفونى ميفصلش منى وحكيت اللى حصلى بكل
ضيق
وانا فالقطر كلمنى زميل فى عملى بيقولى ماجى
لاقوا شنطتك!!حد كلمنى مسيحى قالى انه لاقى شنطتك فى اتوبيس رايح شبرا
ولما فتحها لاقى اسمى ونمره تليفونى مكتوبين فى ورقه جوا شنطتك وهو مستنى
اتصالك لانه رفض يدينى الشنطه!!كلمت الراجل وانا فى حاله لا توصف ومش
مصدقه فاكره نفسى بحلم
لاقيت الراجل مرحب بيا جدا وقالى انا لاقيت شنطتك فى اتوبيس 170 وفتح الشنطه وبلغنى بكل محتوياتها بدون ما تنقص اى شىء
بقوله ازاى انا لا ركبت اتوبيس ولا كاتبه نمره زميلى فالعمل ولا اسمه حتى
وعايش فى شبرا وليه عربيته الخاصه ومعرفش ايه اللى ركبه الاتوبيس
وبقوله انا كل اللى قولتله يا بابا شنوده
قالى اه ما انا لاقيت صورته جوه شنطتك
قولتله حضرتك انا محطتش صورته فى شنطتى
بكلم امى واطمنها لاقيتها بكت من فرحتها وقالتلى مش ممكن ده صورته قدامى
دلوقتى وانا بعاتبه وبساله هى صعبه عليك ترجعلها شنطتها؟!!فى الوقت اللى
انتى بتتصلى فيه تقوليلى انك لاقيتى شنطتك
وشنطتى مع الراجل ده فالحفظ والصون ورفض انه يسلمها لزميلى فالعمل
لحين عودتى من اجازة العيد
عجيبه هى اعمالك يا حبيبى معايا انا الخاطيه
منقوول