+++++++++++++++++++++++++++
كان فيه بنت في قرية .. البنت دي قصيرة شوية وتخينه جدا
كل اصحابها البنات بيقولوا عليها احلي حاجه فيكي انك شبه الكوره
وتوصل السخرية معاها لدرجة انهم يقولولها ماتيجي نلعب بيكي شوية
كانت بتبكي وتتقطع مابينها وبين نفسها
وتصرخ وتقول
ارحموووني ارحموووووني اعمل ايه ؟؟ الشكل مش بأيدي
لو كان بأيدي اختار شكلي
كنت خليت شعري ناعم وطولي بدل الشبر اتنين
كنت خليت سناني صف لولي مرصوص وزين الزين
كنت رسمت عيوني ولونتها وخليتها اجمل عين
كنت وكنت وكنت ومحدش يعرف كنت دي نهايتها فين
صدمة كبيرة خدتها البنوته دي
بنت ياجماعه جميله اوي اوي وطباعها حلوة اوي اوي
كل مشكلتها في نظر الناس .. واعيد واكرر نظر الناس .. ان شكلها مش مألوف ليهم
صاحبتها اتخطبوا وهي بتسمع تقطيم من ابوها وامها وقاعده جنبيهم
تصرخ وتقولهم اعملكم ايه ويعني ايه اخر صبركم ؟؟
هو انا اللي خلقت نفسي ولا دي خلقت ربكم ؟؟
ارحموني ابوس ايديكم وبلاش تبقوا انتوا والزمن علي بنتكم
فاتت شهور وهي بتبكي بدمع العين
مش عارفه الدنيا دي هتوديها علي فين
ياتري هتعيش حياتها في بيت ابوها لحد ماتموت
ولا هيجي ابن الحلال اللي معاه العمر هيفوت
محدش يعلم حاجه دي مشيئة ربنا
مينفعش نتريق عليها لأنه خالق شكلنا
المهم علشان مطولش عليكم
جه دكتور في القرية دي وفتح عياده صغيرة علشان يعالج فيها اهل القرية بالمجان
وكان محتاج معاه ممرضة .. فكتب ورقة وعلقها وكتب عليها
مطلوب ممرضه واهم شروطها تكون هادية ومش عصبية ويكون بالها طويل
تقف معايا صبح او ليل ولو طلبتها في اي وقت الاقيها تقدر للحمل تشيل
اتقدم فوق التسع بنات .. شكل ايه وجسم ايه ولون عين ايه وضعر ايه وحاجه عال العال
والمسكينة كانت رقم عشرة .. قالولها روحي يابنتي ده دكتور بشري مش مدرب رياضي
جايه ليه .. مش قصدهم يجرحوها بس هزارهم علي قلبها تقيل
اتكلم الدكتور مع العشر بنات وفي الأخر اختارها هي
قالهم شوفوا يابنات ... لو البت بشكلها انا ممكن ارسم لوحه لبنت وتكون اجمل منكم
وساعتها حتت ورقة ملهاش لزمة هيكون ليها قيمة عنكم
بس المقياس مش بالجمال .. المقياس بالروح اللي مستخبيه ورا الجمال
وانتوا بصراحه كده مفكمش روح تشفي مريض ... انتوا فيكم روح تحبط اي حد سعيد
اتعامل معاها يدوب شهرين وحبها
قالها تتجوزيني ؟؟ قالتله شفقه ؟؟ قالها اقسملك في نظري اجمل بنت شوفتها
اتمني اجيب عيال ياخدوا طباعك
تعرفوا ياجماعه ياللي بتقولوا انها قصة خياليه ومش هتحصل الا في الأحلام ؟؟
اقولكم ربنا يحب يكرم حد بيحلي في عنيه نصيبه
بمعني
فيه ناس للفقر شاكره ومش بتشكر عن رضى او اقتناع لا
دي بتشكر لأنها هي فاكره نفسها انها اغني كل الناس
ربنا حلى في عنيها الفقر لدرجة انهم مش واخدين بالهم انهم فقرا
هي دي نعمة ربنا علي الأنسان انه يحلي ليه نصيبه
اعرف ناس بتحب ملكات جمال .. بنات صدقوني اتمني اني اسلم عليهم بس مش
اتكلم معاهم .. ومع ذلك يقلولي مش طايقنهم ومش عاوزينهم ويبصوا علي بنات
ناس تانيين
اضحك في سري واقول جرالكم ايه يابني ادمين ؟؟؟
هي الكحكة في ايد اليتيم عجبه ولا الإنسان ميملاش عينه الا التراب ولا انتوا بالظبط مين ؟؟
وانت بتصلي لربك اهم حاجه تقولها في صلاتك .. يارب حلي في عيني نصيبي
خليك فاكر الخمس كلمات دول كويس جدا
يارب حلي في عيني نصيبي
قولها كل شوية وانت بتصلي وانت بتاكل وانت رايح الشغل
الدكتور ده ربنا حلى في عينه البنت فمبقاش شايفها كورة زي باقي الناس
بقى شايفها اجمل انسانه في الكون وبقي تبقي زوجته اللي تحط معاه لبيته الأساس
متنسوش ... يا اخواتي تقولوا لربنا الأتي
يارب حلي في عيني نصيبي
انشرها يمكن نغير بعض العقول اللي بتجرح في غيرها بشكل مش معقول
++++++++++++++++++++++++++++++++++++++++++++++
يارب حلي في عيني نصيبي لـ "مايكل سامي "
كان فيه بنت في قرية .. البنت دي قصيرة شوية وتخينه جدا
كل اصحابها البنات بيقولوا عليها احلي حاجه فيكي انك شبه الكوره
وتوصل السخرية معاها لدرجة انهم يقولولها ماتيجي نلعب بيكي شوية
كانت بتبكي وتتقطع مابينها وبين نفسها
وتصرخ وتقول
ارحموووني ارحموووووني اعمل ايه ؟؟ الشكل مش بأيدي
لو كان بأيدي اختار شكلي
كنت خليت شعري ناعم وطولي بدل الشبر اتنين
كنت خليت سناني صف لولي مرصوص وزين الزين
كنت رسمت عيوني ولونتها وخليتها اجمل عين
كنت وكنت وكنت ومحدش يعرف كنت دي نهايتها فين
صدمة كبيرة خدتها البنوته دي
بنت ياجماعه جميله اوي اوي وطباعها حلوة اوي اوي
كل مشكلتها في نظر الناس .. واعيد واكرر نظر الناس .. ان شكلها مش مألوف ليهم
صاحبتها اتخطبوا وهي بتسمع تقطيم من ابوها وامها وقاعده جنبيهم
تصرخ وتقولهم اعملكم ايه ويعني ايه اخر صبركم ؟؟
هو انا اللي خلقت نفسي ولا دي خلقت ربكم ؟؟
ارحموني ابوس ايديكم وبلاش تبقوا انتوا والزمن علي بنتكم
فاتت شهور وهي بتبكي بدمع العين
مش عارفه الدنيا دي هتوديها علي فين
ياتري هتعيش حياتها في بيت ابوها لحد ماتموت
ولا هيجي ابن الحلال اللي معاه العمر هيفوت
محدش يعلم حاجه دي مشيئة ربنا
مينفعش نتريق عليها لأنه خالق شكلنا
المهم علشان مطولش عليكم
جه دكتور في القرية دي وفتح عياده صغيرة علشان يعالج فيها اهل القرية بالمجان
وكان محتاج معاه ممرضة .. فكتب ورقة وعلقها وكتب عليها
مطلوب ممرضه واهم شروطها تكون هادية ومش عصبية ويكون بالها طويل
تقف معايا صبح او ليل ولو طلبتها في اي وقت الاقيها تقدر للحمل تشيل
اتقدم فوق التسع بنات .. شكل ايه وجسم ايه ولون عين ايه وضعر ايه وحاجه عال العال
والمسكينة كانت رقم عشرة .. قالولها روحي يابنتي ده دكتور بشري مش مدرب رياضي
جايه ليه .. مش قصدهم يجرحوها بس هزارهم علي قلبها تقيل
اتكلم الدكتور مع العشر بنات وفي الأخر اختارها هي
قالهم شوفوا يابنات ... لو البت بشكلها انا ممكن ارسم لوحه لبنت وتكون اجمل منكم
وساعتها حتت ورقة ملهاش لزمة هيكون ليها قيمة عنكم
بس المقياس مش بالجمال .. المقياس بالروح اللي مستخبيه ورا الجمال
وانتوا بصراحه كده مفكمش روح تشفي مريض ... انتوا فيكم روح تحبط اي حد سعيد
اتعامل معاها يدوب شهرين وحبها
قالها تتجوزيني ؟؟ قالتله شفقه ؟؟ قالها اقسملك في نظري اجمل بنت شوفتها
اتمني اجيب عيال ياخدوا طباعك
تعرفوا ياجماعه ياللي بتقولوا انها قصة خياليه ومش هتحصل الا في الأحلام ؟؟
اقولكم ربنا يحب يكرم حد بيحلي في عنيه نصيبه
بمعني
فيه ناس للفقر شاكره ومش بتشكر عن رضى او اقتناع لا
دي بتشكر لأنها هي فاكره نفسها انها اغني كل الناس
ربنا حلى في عنيها الفقر لدرجة انهم مش واخدين بالهم انهم فقرا
هي دي نعمة ربنا علي الأنسان انه يحلي ليه نصيبه
اعرف ناس بتحب ملكات جمال .. بنات صدقوني اتمني اني اسلم عليهم بس مش
اتكلم معاهم .. ومع ذلك يقلولي مش طايقنهم ومش عاوزينهم ويبصوا علي بنات
ناس تانيين
اضحك في سري واقول جرالكم ايه يابني ادمين ؟؟؟
هي الكحكة في ايد اليتيم عجبه ولا الإنسان ميملاش عينه الا التراب ولا انتوا بالظبط مين ؟؟
وانت بتصلي لربك اهم حاجه تقولها في صلاتك .. يارب حلي في عيني نصيبي
خليك فاكر الخمس كلمات دول كويس جدا
يارب حلي في عيني نصيبي
قولها كل شوية وانت بتصلي وانت بتاكل وانت رايح الشغل
الدكتور ده ربنا حلى في عينه البنت فمبقاش شايفها كورة زي باقي الناس
بقى شايفها اجمل انسانه في الكون وبقي تبقي زوجته اللي تحط معاه لبيته الأساس
متنسوش ... يا اخواتي تقولوا لربنا الأتي
يارب حلي في عيني نصيبي
انشرها يمكن نغير بعض العقول اللي بتجرح في غيرها بشكل مش معقول
++++++++++++++++++++++++++++++++++++++++++++++
يارب حلي في عيني نصيبي لـ "مايكل سامي "