اولا
لازم يكون فية اصرار واقتناع داخلى انى مش حكذب مهما حصل ودى عايزة ارادة قوية وثقة كاملة فى ان ربنا استحالة حيسبنى مهما حصل وحيسند بس المهم اسمع كلامة وانفذة وهو حيساعد .
ثانيا
لازم اتعلم انى ماارد بسرعة علشان مااقع فى الخوف وبعدها الكدب لازم اتأنى شوية ولو 2ق استعين فيها بربنا يرشد للرد المناسب
ثالثا
ممكن اغير الموضوع لموضوع تانى او ارد على السؤال بسؤال بحيث لوحسيت انى مااقدر اقول الحقيقة انى مااكدب فى نفس الوقت
رابعا
الحكمة نتعلمها بالتعامل والخبرة مع الناس الحكيمة واحسن من دة كلة كلام ربنا فى الانجيل والخبرات اللى فية ولما نطلب الحكمة من ربنا حيعطيها لانة وعد بكدة وكمان نطلب بجدية ضع يارب حافظ لفمى وباب حصين لشفتى فلما افتحهم مش حتبقى فية فرصة للكدب لان الرب هو اللى حارس كل كلمة ومباركها