فى مدارس الأحد تعلمت الطفلة ساندى ان الله موجود فى كل مكان وان فى أى وقت نطلبه نجده
سمعت ساندى هذه الجملة وأمنت بها جدا ً جدا ً
وكانت تتكلم مع يسوع بإستمرار وتصلى أمامه وتطلب منه كل ما تريده
...وفى إحدى المرات تم سرقة سيارة والدها فعاد للمنزل وهو فى قمة ألمه
فقص عليهم ماحدث فذهبت الطفلة لصديقها يسوع تقول له
سيارة بابا إتسرقت يابابا يسوع وعارفة إن محدش هيرجعها غيرك
ثم خرجت إلى والدتها بعد جلوسها فى الغرفة فترة حوالى نصف ساعه
وقالت لوالدتها
بابا يسوع قالى إنه هيرجع العربية خلاص
فأبتسم الاب من براءة إبنته ولكن المفاجأة الكبرى
عندما ينزل الأب فى صباح يوم جديد إلى الشارع فيجد سيارته فى الشارع تنتظره
فشكر الرب على مافعله معه .. وندم أنه لم يصلى إلى الرب من البداية كما صلت إبنته
وكالمعتاد كانت كل يوم قبل أن تنام تقف أمام صورة يسوع وتقول له
بابا يسوع أنا هنام عاوز منى حاجة ؟؟؟
بص لو عايز حاجه صحينى أنا هصحى على طول
وتذهب إلى فراشها كى تنام
وفى الصباح تأتى والدتها تيقظها من نومها كي تذهب إلى المدرسة وتعطيها كيس به ساندوتشات كى تأكلها فى الفسحة
بجوار مدرسة ساندى كنيسة كبيرة
كانت ساندى تدخل الكنيسة وتضع أمام صورة المسيح سندوتشاتها وتقول له صباح الخير يابابا يسوع ده أكلك بتاع انهارده
عايزاك تخلصه كله كله لوحدك .. وتترك الطعام وتذهب إلى المدرسة
وظل يتكرر هذا الحدث يوميا ً لمده دامت أكثر من شهرين
تذهب إلى الكنيسة وتترك أمام صورة المسيح أكلها كى يأكله المسيح
وعندما علمت الأم هذا تضايقت وقالت لها
ياحبيبتي إيه يخليكى تسيبى سندوتشاتك فى الكنيسة ؟؟؟ بابا يسوع فى السما ودى مجرد صورة ليه
مش تسيبيى أكلك فى الكنيسة تانى وتأكليه كله لوحدك .. لأن أكيد إللى بيأكله حد من العمال
قالتلها بس أنا لما بروح تانى يوم يا ماما مش بلاقى حاجة وأكيد بابا يسوع بيأكله
وظل يتناقشان حتى تدخل الوالد فى الموضوع وأقنع بنته
فدخلت نامت وهى تبكى فى سريرها
وعند صباح يوم جديد ذهبت ساندى إلى المدرسة وكان يراقبها والدها من بعيد كى يعرف هل ستسمع كلامه أم لا
فوجد إبنته مرت من أمام الكنيسة دون أن تدخل
ففرح الأب ولكن فرحته لن تدوم عندما شاهد بنته تعود وتدخل الكنيسة وتخرج دون طعامها
فصاح الأب وقال ساندى .. وذهب إليها وقال لها لماذا لا تسمعين الكلام
قالتله عشان بابا يسوع كل لما بطلب منه حاجه بيعملهالى
وأنا إمبارح لما دخلت أعيط فى السرير هو إللى جه وفضل يطبطب عليا لحد مانمت
قالها ياحبيبتى يطبطب عليكى إيه بس تعالى ندخل الكنيسة عشان تتأكدى إن إللى بيأكل الأكل العمال
فدخل الأب الكنيسة ومعه إبنته ولم يجد السندوتشات أمام صورة المسيح
ولكن سمعا صوت أحد يأكل خلف الصورة .. وعندما نظرا إليه وجد راجل عجوز جالس يأكل
فقال له هل صدقتينى إنه أحد العمال
ومسك بأبنته وذهب إلى هذا الرجل العجوز قائلا ً له
مش حرام عليك لما تأخد أكل بنت صغيرة وتأكله ياراجل أنت
وأخذ من يداه الطعام ولكن يا للمفاجأة
إذ يرى والد ساندى ثقبان فى يد هذا الرجل العجوز
فنظر بإندهاش فى وجهه
فوجد هذا الرجل يصغر فى السن ويخرج ضوء من وجهه وبدأ يصعد بالتدريج من على الأرض قائلا ً
دعوا الأطفال يأتون إلى ولا تمنعونهم لأن لمثل هولاء ملكوت الله
ياريت نرجع ونبقى زى الأطفال .. نطلب من ربنا بإيمان ومن أعماق قلوبنا
هيسمعنا وهيتكلم معانا كمان
قبل ماننام نقوله تصبح على خير يارب
وأول مانصحى نقوله صباح الخير يارب
أطلبه تجده فى الحال
الرب يفتح ذراعيه لك وينتظرك
الرب معكم