الملل "

أن كثير من الحياة الزوجية يشوبها " الملل " وللأسف .. تتسبب فيه المرأة بصورة أكبر .. فالشكوى المستمرة من الفقد .. أى نوع من أنواع الفقد حتى لو كانت بقية الجوانب تمام .. وعدم الرغبة فى التغيير .. وإعتبار الحياة قد انتهت بالحصول على زوج .. والمقارنات الدائمة بين حالها وحال الأخريات .. وتأخير وتأجيل وربما عمق التعبير عن المشاعر باعتباره خلاص بقى اتجوزنا وكبرنا .. الفهم الخاطئ لعدد من الأمور الزوجية كالعلاقة الحميمة بين الزوجين ..
كل هذا قد يكون له الأثر الأكبر فى الشعور بالملل ..

وهنا أحب أن أنوه إلى أمرين

الأول : إننى لا أعفى الرجل من المشاركة فى ذلك .. لكن الزواج والبيت أصله إمرأة .

الثانى : أن من يتضرر من هذا الملل ليس الرجل وحده فيصبح هو الضحية الخاسرة من ذلك .. لكن الضحية المرأة أيضا التى تنعى حظها دائما .. لأنها تزوجت من رجل غير ميسور .. أو ميسور لكن غير مثقف .. أو مثقف وميسور لكن غير رومانسى أو مثقف وميسور ورومانسى لكن ضعيف قدام أهلمها .. أو كل ماسبق لكن لا يساعدها فى الأطفال أو كل ماسبق لكن ينظر لغيرها.. أو كله تمام لكن مش لطيف فى العلاقة الحميمة أو زى الفل فى كل ماسبق لكن عنده أهل .. أو كل ماسبق ومعدوم الأهل فتكون هذه الأخيرة عيبه .. لإن الولاد مالهومش أصل ..

كما يتضرر الأولاد أيضا من حياة رتيبة لا يوجد بها الكثير مما يشجع الطرفين على الاستمرار الشكلى ..



تحدثت مع صديقة فسألتها عن حياتها فى الأسريه .. فقالت لى :

هو أنت فاكر إن المتجوزين بقى سعاده وحب !!! الكلام ده فى أول سنة .. أدينا مرزيين ده أنا حتى لقيت الدنيا ساقعة قولت بلاش اشترى طقم جديد أقعد بيه فى البيت !!! "

حسيت بالأكتئاب لو كملت معاها .. فقاطعتها .. طيب وايه خططكم للأيام الجاية .. فردت ..

العادى .. حماتى هتيجى من عند ابنها الكبير النهاردة بالليل .. وبكرة هنروح عند ماما بالليل عشان نسهر معاهم .. !!!!!!!!"

فلحقت نفسى تانى .. وقولتلها : طيب .. وإنتوا ؟؟

ضحكت ثم قالت : هو بيقولى تعالى نخرج مع بعض .. وكمان قالى بكرة هنندم على الايام ديه اللى كان لسه معندناش فيها أولاد ولم نتمتع بها ..

رديت عليها طيب وانتى ايه ؟؟ قالتى مليش نفس خروج بقى ولبس .. الدنيا ساقعة .. وبعدين ما احنا روحنا كل حتة وقت الخطوبة .. وبعدين السفر يومين ده بهدلة بقى وتجهيز شنطة ورجوع أفضى شنطة .. مش ناقصة .. أدينا بنتفرج على الدش وخلاص .. وهو مسيره يتعود !!!!!!!!!!!!!!!!!!!!!!!





ما الذى يحدث ؟؟

بعد الزواج ..؟؟

هل هى الثقافة المجتمعية للمرأة والرجل ؟؟