القلم رافض الكتابة

والخاطر اه مكسور

والجسم تعبان مشتاق

لبر أمان

والدنيا اصبحت غابة

فيها أسود ونمور

ومين يداوى الجراح

او ينصر قلب انظلم

وانا يدوب عصفور ضعيف الجناح

عشى مابين الشجر

وبتحاورنى صقور ونسور

وديابه في الغابه

تنهش بدون رحمة

منتظره لحظة سقوط

اصبحنا حقل تجارب

للى عليه الدور

لكن

ربى قادر وعالم بالظنون

وله حكم وأمور

يمكن في لحظة رضا منه

يجعلنى أطير في السما

واخطى ليكى يا عمري بحور

وأكتب بدل السطر سطور

لا أسود تنول المراد

ولا تحاورني صقور

بكتب بدمعي الكلام

وسن القلم مكسور

واحساسي مش اوهام

يمكن في لحظه يوصلك

وسط الضجيج والزحام

ولو عموكى الغيلان

و.. وساوس الشيطان

هاعلنها ليكي

إنى في هواكي ياملاكي
عيوني مابتنام