البابا كيرلس والفرنساوى
الاسم / ن.م.ج كوم امبو _ اسوان
تقول : مع اننى طالبة لكن مشوار حبى للبابا كيرلس طويل ....... فانا احبه جدا ... ولو احكى عنه من هنا لبكرة لن ينتهى الحديث ...
فى عام 98 .99م كنت فى اولى ثانوى واكره مادة الفرنساوى جدا وكنت خائفة جدا من نتيجة الامتحان وليلة النتيجة كنت الف حوالين نفسى وانادى البابا كيرلس حبيب وشفيع الطلبة ...وبينما انا انادية واقوله انت فين يابابا كيرلس ... طمنى على الفرنساوى ماذا افعل ؟؟ واذ بي فى منزلنا اجد صورة صغيرة فى طريقى للشهيد مارمينا والبابا كيرلس .... وكانه يقولى لى انا هنا .... فرحت وفرحت جدا
احسست ان البابا كيرلس قلبه حنان مملؤ عطف وابوه يطمئن اولاده وغطى تفكيرى فى البابا كيرلس الامتحان والفرنساوى وكل الامتحانات .... نمت فى هدوء وسكينة .... واستيقظت فى سلام عجيب واذ بتليفون يطمنى ويقول مبروك درجة حلوة فى الفرنساوى طبعا هو البابا كيرلس شفيع الناجحين
صدق ولا بد ان تصدق