بعد خسارة الزمالك من االمصريب بهدفين في المباراة التي جمعتهما أول أمس السبت ، وفوز الأهلي علي الإسماعيلي بهدفين مقابل هدف، عمت فرحة أهلاوية علي موقعي اتويتر» وافيس بوك»، فيما سادت حالة من الإحباط بين الزملكاوية. وانتشرت علي الموقعين مئات التعليقات الطريفة التي ندب بها الزملكاوية حظهم العثر، وشمت بها فيهم الأهلاوية، وفيما يلي أبرز تلك التعليقات: * واحد زملكاوي يندب حظ فريقه: الدوري راح، خللي الناس كلها ترتاح، والأهلي خده كدا سداح مداح والزمالك بقي كله جراح. * سألوا حسام حسن: الزمالك هياخد الدوري إمتي؟ قالهم: أنا إبراهيم مش حسام. * سألوا واحد زملكاوي: الدستور أولا أم الانتخابات؟ أجاب باكيا: الأهلي أولا !! * بما أن الدوري راح من الزمالك، فأنا باقترح علي حسام حسن إنه يبدل النقط اللي معاه بدقايق محمول مجانية. * الثورة ستنجح، لما الزمالك ياخد الدوري. * تحية واجبة لنادي الزمالك لاتباعه قواعد السواقة السليمة، أول ما الأهلي قلبله نور من ورا، راح موسع علي طول. * عاجل من ويكيليكس: اتفاقية سرية بين نادي الزمالك ومصانع الأدوية لزيادة مبيعات أدوية ارتفاع ضغط الدم في مصر. * الزمالك رجع من بورسعيد بتلات نقط: نقطة لحسام، ونقطة لإبراهيم، ونقطة للجمهور. ونشرت مجموعة زنكت وقفشات أون لاينس علي الفيس بوك، موضوعا للبنات يحمل عنوان: زفوائد إنك تتجوزي واحد زملكاويس جاء فيه سبع فوائد، هي: أولا: ده واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدا مبيعترضش. ثانيا: عنده حصانه ضد الضغط والسكر، لأنه لو كان عنده استعداد يجيله ضغط أو سكر كان جاله من زمان. ثالثا: أصيل، يعني بقاله سنين بيشجع الزمالك وعارف انه مش هياخد الدوري، ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي. رابعا: متسامح، يعني تلاقي أصحابه الأهلاوية كل شوية يعايروه، وتلاقيه مبيردش عليهم، مش عشان عينه مكسوره لا سمح الله بس عشان قلبه كبير. خامسا: مختلف، يعني مصر كلها بتشجع الأهلي وده طالعلك فيها بيشجع الزمالك وعادي جدا، معندوش أي مشكله وده في حد ذاته تميز واختلاف. سادسا: هيلتمسلك الأعذار، يعني مثلا يبقي عارف إن الزمالك كان أداؤه زي الزفت ومع ذلك ميحبش يلوم عليه أبدا، تلاقيه بيقولك التحكيم، مش عشان حاجه بس هو طبعه كده يحب يلتمس الأعذار لأي حد. سابعا: مبيعرفش اليأس، يعني تلاقيه واخد أصحابه ورايحين يشجعوا الزمالك في الاستاد، ومع إنه كل مرة بيخسر، إلا انه مبييأسش، كل مرة بيروح يشجع علي أمل إنه يكسب. الوفد
