عندى كتير ممكن يتقال ممكن ابدا بالانتخابات , طلبوا مننا نختار بلدنا يبقى شكلها ايه , وعلشان فى جهلة كتير فاختارو حزب السلفيين , وقرروا تبقى مصر متوى ل 1000 اسامة بن لادن , لان البلد مع السلفيين هتبقى افغانستان افريقيا .

وناس تانية اختارت الاخوان وقرروا تبقى مصر مفهاش حرية التصرف , ولا حريه للمراه .. دة حتى هيمنعوها تسوق عربيتها ,لاننا هنبقى زى السعودية والدول العربية .

وناس تانية بتفهم قررت تبقى مدنية ويبقى فى حرية حقيقية مع الاحتفاظ بشرقيتنا , وهو دة المطلوب .

اتكلم على التجاوزات فى الانتخابات عندى كتير بس خلينا فى حاجات مهمة زى , منقبة اتمسكت بعد لما انتخبت 5 مرات ومعاها 15 بطاقة مزورة , ولا قاضى مضى مكان الناس وانتخب بدالهم علشان ينجز فى الوقت , ولا بتوع حزب الحرية والمراجيح قصدى العدالة لما منعوا 40 سيدة مسيحية من دخول اللجنة تحت نظر القاضى ,
... ولا الناس اللى قاعدة بتفرز الاصوات , الله عليهم كل واحد ليه دقن ممكن توصل لحد قمر البنطلون , فعلا الواحد اطمن على الانتخابات .

ولا نتكلم على التحرير اللى بقت ملكية عامة للشعب , ونسيوا ان فى ناس مش عارفيين يعيشوا حياتهم الطبيعية لانهم ساكنين هناك , ولا الحكومة والجيش اللى منفضين للمعتصمين بقالهم فترة .

ولا المحاكمات اللى محدش يعرف عنها حاجة للنظام القديم .

معنديش غير انى اقول جملة جميلة قالها طفل صغير وهو بيصلى , قال يابابا يسوع لما هربت من هيرودس وجيت لمصر حمتك , فارجوك ردلها الجميل واحميها .

احمى اولادك من هيرودس 2011

po2po2
منقووووول