العظة الأسبوعية لقداسة البابا بعنوان

ارجع مرة تانى لربنا
ارجعله بالصلاه يعنى ايه بالصلاه ؟ يعنى اسكب نفسك امام الله وقوله يارب انا عايزك انا عايز ارجع اليك انا من غيرك ماسواش حاجه ابدا انا فقدت حيانى لما فقدتك وفقدت لذتى وسعادتى لما فقدتك واصبحت حياتى لا شهوه لها ولا طعم لها اسكب نفسك امام ربنا وقوله يارب انا اريد ان ارجع اليك ولكن اعدائي قد اعتزوا اكثر منى كثيرون يقولون لنفسي ليس له خلاص بالهه ار...جع لربنا وقوله يارب انتشلنى وخذنى اليك مرة اخرى قوله انا فقدت قوتى لما بعدت عنك اعطينى قوة خاصه من عندك اعطينى معونه خاصه لكى ارجع بها كتير من الناس ساعات بيسالوا عايزيين نرجع لربنا نرجع ازاى ؟

ارمى نفسك قصاده وقوله انا عايز اقوم من هنا وقد اخذت بركه خاصه وقد ارجعتنى اليك وقد حسبتنى ضمن اولادك ومش بس غفرتلي خطيتى انما انقذتنى من محبه الخطيه علي الاطلاق قوله يارب انا مش ممكن ارجع اليك ومحبه الخطيه فى قلبي شيل منى محبه الخطيه مش انا اترك الخطيه وارجع اليك دة انت تجينى وتدركنى محبه الخطيه ماهو انا لو كنت قادر اترك الخطيه م كنت رجعت من زمان لكن انا عايزك تخلينى اترك عايزك تدينى قوة عايزك تقودنى في موكب نصرتك صدقونى يا اخواتى ان الانسان الناجح في صلاته هو الانسان الناجح في توبته ومااصدق قول ماراسحق حينما قال من يظن ان هناك طريق اخر للتوبه غير الصلاه هو مخدوع من الشياطين لانك بالصلاه تاخذ قوة ترجع بيها لربنا لذلك اغصب نفسك علي عمل الصلاه اكثر من اى عمل اخر لانك بالصلاه تزيل الفاصلبينك وبين الله وترجع اليه مرة اخرى عجيب جدا ان ناس كتار يفضلوا الخدمه عن الصلاه ويفضلوا القراءة عن الصلاه ويفضلوة التامل علي الصلاه ويفضلوة الاجتماعات علي الصلاه ولذلك يفشلون في علاقتهم مع الله ويبقي ليهم صلاه وليهم قراءة وليهم خدمه وليهم اجتماعات وفي نفس الوقت منفصلين عن ربنا مفيش علاقه لا ارجع لربنا ارجع لربنا وخذ منه بعض الناس يظنوا ان الصلاه انت بتعطى لربنا بتعطيله كلام بتعطيله وقت بتعطيله مشاعر في الحقيقه الصلاه في عمقها هم عمليه اخذ من ربنا هو المعطى مش الآخذ الانسان اللي يصلي ويشعر في صلاته انه اخذ من الله هو الانسان الناجح في صلاته اللي يشعر انه صلي واخذ من ربنا قوة يبقي صلاته ناجحه صلي واخذ من ربنا بركه يبقي صلاته ناجحه صلي واخذ من ربنا توبه يبقي صلاته ناجحه صلي واخذ من ربنا قدسيه في الحياه يبقي صلاته ناجحه صلي واخذ من ربنا صله بينه وبينه يبقي صلاته ناجحه ادى الصلاه ربنا يقولك تعالي تعالي صلي عشان اعطيك وانت تقف كلمتين وتزهق وتضايق وتسيب الصلاه وتمشي من غير ماتاخد من حاجه وربنا يبصلك مستغرب انت حبيبي مشيت بسرعه قبل م تاخد ليه انا كنت هديلك ليه مشيت بسرعه ليه تركتنى قبل ان اعطيك؟ زهق ومشي طب امشي وبعدين تدور علي ربنا متلاقيهوش وياريت تمشي وبس من غير م تاخد حاجه دة انت تمشي وقد ظننت انك اعطيت لربنا كام دقيقه وتيجى في السجل الروحى وتعمل علامه صح علي الصلاه صلاه ايه وبتاع ايه ايه الصلاه دى اللي انت عملتها اخدت ايه من ربنا انت انت تمسك في ربنا كدة وتقوله انا مش سايبك انا مش سايبك علشان كدة الصلاه عايزة طول بال بدون طول بال م بتاخدش لازم تطول بالك فى الصلاه تقوله يارب انا واقف قدامك ومش عايز اسيبك غير لما اخد منك اللي انا عايزة م اخدتش ادينى ماسك فيك ومش هاسيبك لا اتركك حتى تباركنى امسكته ولم ارخه هذا هو الجهاد في الصلاه الناس متعلموش الصلاه بيفتكر الصلاه يقول كلمتين وماشي او يصلي علي الماشي لا الكلام دة مينفعش يا حبيبي انت صلي وامسك فى ربنا وخد وان م اخدتش قوله مش هاسيبك انهاردة انت وقعت فى مين مش سايبك مش سايبك يقولوا عليك الاله الطيب والاله الحنين وبتقول اسالوا تعطوا اطلبوا تاخدوة طب انا طلبت ومش همشي غير لما اخد خلي بينك وبين ربنا هذا الصراع وهذا الجهاد فى الصلاه وحينئذ تاخد من صلاتك عزاء ويمتلئ قلبك حبا وتاخد حرارة فى الصلاه ولا تكرر الكلام باطلا كالامم وانما تسكب نفسك سكيبا امام الله كما وقفت حنه ام صموئيل كانت تصلي صلاه وتبكى بكاء وتنذر نذرا ولم تخرج من الهيكل الا ومعها وعد ان سيكون لها ابن داود النبي كان لايترك الله حتى ياخذ يصلي ويقول يارب لمذا كثر الذين يحزنوننى وبعدين وبعدين يقول ابعدوا عنى ياجميع فاعلي الاثم ان الرب قد سمع صوت صلاتى الرب سمع صوت بكائي الرب لصلاتى قبل طب مانت قبليها بتقول يارب لاتبكتنى بغضبك ولا تؤدبنى بصختك لا دة كان الكلام دة في الاول بتقول كثر الذين يحزنوننى كان في الاول لكن انا اخدت يقول انا اضجعت ونمت ثم استيقظت لان الرب معى فلا اخاف من ربوات الجموع القائمين علي ليه اخدت قوة فى الاول كنت بقول كثر الذين يحزنوننى لكن دلوقتى اخدت قوة اخدت طمأنينه ماسبتش ربنا يصلي داود ويقول انى اسمع ما يتكلم به الرب الاله لانه يتكلم بالسلام لشعبه طب دة كلام يصلي ويستنى لما يسمع مايتكلم به الرب الاله انه يتكلم بالسلاه لشعبه عيبنا في صلاتنا ان احنا بنياس بسرعه بنزهق بسرعه مابنرضاش ناخد كلمتين ونجرى ليه يا حبيبي كدة؟ ليه كدة طول بالك علي ربنا واتخانق مع ربنا وخد من ربنا وقوله مش سايبك مش سايبك الاولاد الصغيرين دول بيصلولك بالدقيقه والدقيقتين ويزهقوا ويمشوا انا مش من النوع دة انا قاعدلك هنا انا رابطلك فى الحته دى انا ماسك فى قرون المذبح انا متمسك بيك انا همسك عليك جميع وعودك واتفاهم فيهم ويارب دة انا عيل صغير قصادك يعنى سيبك من الصراع والخناق دة هو زى ابنك الصغير بيقولك لازم تدينى مش معقول واحد يسيبك ابنه الصغير ومايديلوش مرة بالاقناع ومرة بالبكاء مرة الخناق مرة بطول البال المهم ماتسيبش ربنا غير لما تاخد منه حاجه تشعر الف فى المائه وانت فى هذا الصراع ان حكايه الانفصال عن الله راحت وانك كونت علاقه ومش ممكن بعد صلاه زى دى تخرج من الصلاه وتخطئ الي الله دة انت تبقي مكسوف من هذا الصراع مكسوف وانت بتقوله مش سايبك مش سايبك ازاى وهتخرج تخطئ لذلك الصلاه تعلم التوبه والصلاه تعلم المحبه تقول بصلي من غير حرارة طب يارب اصلي وادينى الحرارة من عندك بصلي من غير تركيز هصلي يارب وادينى التركيز من عندك بصلي ومافيش ايما هصلي وادينى الايمان من عندك خد يارب صلاتى زى ماهى كدة بعبلها كدة بتعبها كدةخدها زى ماهى كدة وادى من عندك صلح صلح ووضب الحاجات مابتبديش كامله انا هصلي والكمال من عندك هصلي بدون روح والروح من عندك انا هاخد منك كل شئ مجانا ومش هقولك بذراعى البشرى هتحول الي انسان روحى انما بنعمتك وقوتك وبركتك ومعونتك وروحك القدوس انا عايزكم تعملوا كدة من اجل نفسكم من اجل الكنيسه من اجل المجتمع كله اللي بتعيش فيه صلي الصلاه القويه.